ხშირად დასმული კითხვები

შრომის უსაფრთხოება გულისხმობს ყველა იმ ნორმისა და რეგულაციის ერთობლიობას, რომლებიც მიზნად ისახავს დასაქმებულთათვის უსაფრთხო და ჯანსაღი სამუშაო გარემოს შექმნას, რაც მუშაობის პროცესში ტრავმების, ავარიებისა და ჯანმრთელობის პრობლემების თავიდან აცილებას უწყობს ხელს.

საქართველოში შრომის უსაფრთხოება რეგულირდება ძირითადად საქართველოს ორგანული კანონით „შრომის უსაფრთხოების შესახებ“, რომელიც უზრუნველყოფს სახელმწიფო ორგანოების, დამსაქმებელთა, დასაქმებულთა და სამუშაო სივრცეში მყოფ სხვა პირთა უფლებებს, ვალდებულებებსა და პასუხისმგებლობებს, რომლებიც დაკავშირებულია უსაფრთხო და ჯანსაღი სამუშაო გარემოს შექმნასთან.

ბიზნესმა უნდა დაიცვას შრომის უსაფრთხოების სტანდარტები, რომლებიც პასუხობს კანონმდებლობით გათვალისწინებულ მოთხოვნათა შესრულებას.

შრომის უსაფრთხოების ინსტრუქცია განსაზღვრავს სამუშაო პროცესში დასაქმებულთა უსაფრთხოების დაცვის წესებსა და მოთხოვნებს. ინსტრუქცია მზადდება კონკრეტული სამუშაოს სპეციფიკიდან გამომდინარე და ითვალისწინებს უსაფრთხოების ზომებს, რისკებისა და გაუთვალისწინებელი ინციდენტების შესამცირებლად.

შრომის უსაფრთხოების სერთიფიკატი არის ოფიციალური დოკუმენტი, რომელსაც ფლობს ინდივიდი და, რომელიც ადასტურებს, რომ ინდივიდს შეუძლია, შრომის უსაფრთხოების ნორმების დარღვევის პრევენციის მიზნით, ღონისძიებების დაგეგმვა და მართვა. 

 საკონსულტაციო კომპანიას შეუძლია მიმართოს იმ ორგანიზაციამ, რომელსაც არ აქვს დანერგილი შრომის უსაფრთხოების სისტემა და არც ამ სფეროს სპეციალისტი ჰყავს. ასეთ შემთხვევაში, საკონსულტაციო კომპანია აუთსორსული მომსახურების ფარგლებში, კანონით გათვალისწინებულ ვადებში გამოჰყოფს ერთ ან რამდენიმე სპეციალისტს თქვენი ობიექტის ინსპექტირებისა და შრომის უსაფრთხოების სტანდარტების დაცვის უზრუნველსაყოფად.

ერგილის შრომის უსაფრთხოების სპეციალისტებთან დასაკავშირებლად მოგვწერეთ ელ.ფოსტაზე - info@gergili.ge, ან დაგვიკავშირდით ნომერზე: 593 11 90 10 / 599 27 00 49

შრომის უსაფრთხოების სპეციფიკური რეგულაციები დანერგილია იმ ინდუსტრიებში, სადაც მაღალი რისკებია დასაქმებულების ჯანმრთელობისთვის. მაგალითად:

სამშენებლო პროექტები, მრეწველობა და ქიმიური ინდუსტრია, საბადოები და მინერალური რესურსების მოპოვება, ტრანსპორტი და ლოჯისტიკა, ელექტროენერგიის ინდუსტრია, ჯანდაცვა, სამედიცინო ინდუსტრია და ა.შ.

სამშენებლო სექტორის შრომის უსაფრთხოების რეგულაციები გულისხმობს იმ ნორმებისა და მოთხოვნების შესრულებას, რომლებიც მიზნად ისახავს სამუშაო პროცესში დასაქმებულთა უსაფრთხოებისა და ჯანმრთელობის დაცვას.

სამშენებლო სფერო არის განსაკუთრებით მაღალი რისკ-ფაქტორის სექტორი, ვინაიდან, ითვალისწინებს სიმაღლეზე მუშაობას, სხვადასხვა მექანიკურ საფრთხეს, მძიმე ტექნიკის გამოყენებას, ხანძრის ალბათობას და სხვ. ამიტომ საჭიროა განსაკუთრებული და სპეციფიკური მიდგომა.